༢༠༢༤ ཟླ་ ༦ ཚེས་ ༤ ཉིན་ནི། རྒྱ་ནག་གི་སློབ་ཕྲུག་དང་མི་དམངས་ཀྱིས་དམངས་གཙོ་དང་རང་དབང་གི་ལས་འགུལ་གཞི་རྒྱ་ཆེན་པོ་སྤེལ་ ནས་མི་ལོ་༣༥་འཁོར་བའི་ཉིན་མོ་སྟེ། རེ་བ་དང་མངོན་འདོད་རང་མོས་སུ་རྩོད་ལེན་གྱི་ལས་འགུལ་སྟོབས་ཆེན་དེ་ག་རྒྱ་ནག་གཞུང་གིས་ དྲག་གནོན་ཤིང་། ད་ལྟ་གནམ་བདེ་སྒོ་མོ་ཆེ་ཡི་སྡེབ་གསོད་རྗེས་དྲན་ཞེས་པར་ཆགས། ད་ལན་གྱི༼ཇ་ཁང་༽ལས་ཚན་ནང། ང་ཚོས་དོ་ཁུར་བྱ་ཡུལ་ནི། སྔོན་ཆད་བསྒྲགས་མྱོང་མེད་པའི་མཐོང་ཐོས་མྱོང་གསུམ་ཏེ། ལས་འགུལ་དེའི་ནང་མཉམ་ཞུགས་ཀྱིས་བོད་དང་རྒྱ་རིགས་མ་ཡིན་པའི་སློབ་ཕྲུག་མང་པོ་དམངས་གཙོ་དང་རང་དབང་རྩོད་ལེན་བྱས་ཚུལ་ འགོད་རྒྱུ་ཐག་བཅད་པ་ཡིན། བོད་པ་རང་ལོ་༢༣་ཅན་གྱི་སློབ་ཕྲུག་ཅིག་༡༩༨༩་ལོའི་ལས་འགུལ་ཆེན་པོ་དེ་ཡི་ནང་མཉམ་ཞུགས་བྱས་པའི་ གནས་ཚུལ་ཐོག་མར་ཁྲོམ་བསྒྲགས་བྱས་པར་ཆགས། ལྷག་དོན་བོད་པའི་སློབ་ཕྲུག་དེ་མེ་འཁོར་འབབ་ཚིགས་བཀག་པ་དང་ལན་ཇུ་གྲོང་ཁྱེར་ གྱི་ཡུལ་མི་རྣམས་དང་མཉམ་ཞུགས་བྱས་ཚུལ། བོད་པའི་སློབ་ཕྲུག་རྣམས་ཐད་ཀར་ལས་འགུལ་ཆེན་པོ་དེའི་ནང་མཉམ་ཞུགས་བྱས་ཚུལ་ བཅས་འགྲེལ་བརྗོད་ལྷུག་པོར་གནང་བ་དེས་སྙིང་སྟོབས་དང་སྤོབ་པ་བསྐྱེད་སྲིད། ད་ལན་ལྡོང་ཕྱིང་གུར་བ་རྒྱལ་ལོ་ལགས་ཀྱི་ལས་འགུལ་ མཉམ་ཞུགས་བྱས་ཚུལ་གྱི་ལོ་རྒྱུས་འདི་ནི་བཙན་བྱོལ་སྤྱི་ཚོགས་ལ་མཚོན་ན་གལ་ཆེ་ཞིང་དོན་སྙིང་ཆེན་པོ་མཆིས་སོ།། །།